أفضل تطبيقات تويتر على أندرويد

تحديث 4-8-2015: التطبيق الوحيد اللي أستخدمه حالياً لتويتر هو Fenix for Twitter وممتاز أنصحكم فيه

لا شك أن تويتر يعيش فترة نجاح كبيرة كأفضل خدمة تدوين مصغّر في هالفترة، صحيح أن لكل فترة منصة معينة الجميع تقريباً يشارك فيها، فعشان كذا حتى تويتر قد يجي اليوم اللي كلنا ننقل منه إلى خدمة ثانية قد تكون مختلفة عن اللي تعودنا عليه، بس هذا مو موضوعنا 🙂 اليوم بتكلم عن تطبيقات تويتر مميزة على أندرويد، جربت منها كثير وراح أحاول أبيّن وجهة نظري بشكل سريع ومبسّط .. بالبداية لازم نعرف: أيش تجربتك لتويتر؟ فيه ناس تحب تقرأ التايم لاين والمنشن والدايركت فقط بشكل مبسط، وفيه ناس تحب قراءة القوائم Lists بشكل سريع، وناس تبي تستخدم خاصية Mute للهاشتاغات، واللي يبي دعم صور في نفس الصفحة (بدون فتح التويت لمشاهدة الصورة)، وغيرهم كثير .. يعني نفهم إن مافيه تطبيق يعتبر الأفضل، الأمر يعتمد على استخدامك لتويتر أولاً وأخيراً .. في هذي المقالة راح أذكر التطبيقات اللي جرّبتها (ولحتى الحين أستخدمها)، فيه تطبيقات كثيرة جربتها لكن ما استمريت بإستخدامها، قد تكون أفضل حتى من التطبيقات اللي راح أذكرها، بالنهاية مثل ماقلنا إنت تحدد البرنامج اللي يتناسب معاك .. يالله نبدأ: 1) TweakDeck بعد شراء Twitter لشركة TweetDeck قبل فترة، للأسف توقف تطوير نسخة أندرويد من هذا البرنامج، بس واحد عمل خير وأخذ التطبيق وقام بعمليات تجميلية ودعم أكثر لمواقع الصور وغيرها. التطبيق سريع جداً، ويدعم إضافة القوائم .. 2) Boid Beta من إسمه، التطبيق لحتى الحين في مرحلة (بيتا)، عشان كذا راح تصادف أحياناً بعض المشاكل Crash و Bugs وغيرها. بس يعتبر تطبيق مميز ويستخدم الـ Guidelines اللي توصي فيها قوقل لتطبيقات أندرويد 4.0 فما فوق (عشان كذا التطبيق مخصّص للي عندهم آيسكريم ساندويتش فما فوق)، أيضاً شكل التطبيق وتناسقه جميل (يستخدم Holographic Theme الموصى عليه من قوقل). يدعم Mute والقوائم وتغيير الثيمات (لكن لايدعم التنبيهات حالياً). قد يكون تطبيق واعد جداً إذا تم تطويره بالمجهود المناسب .. ملاحظة: التطبيق صار Open Source وتوقف تطويره من قبل فريق العمل، لأن قيود تويتر الأخيرة قتلت تطبيقات الطرف الثالث بشكل أو بآخر. مطوّر التطبيق أعلن إنه بيكون مفتوح المصدر وقابل للتحديثات مستقبلاً. 3) Tweedle For Twitter تطبيق جديد، نفس فكرة التطبيق اللي فوق، يعتمد على Guidelines قوقل ويستخدم Holographic Theme .. يتميّز بواجهة بسيطة (قد يتم تطويره فيما بعد)، يمكنك قراءة التايم لاين والمنشن والدايركت فقط. خيار مناسب للي يحبون البساطة. 4) Tweet Lanes تطبيق جديد أيضاً، يستخدم نفس الأفكار اللي تكلمنا عنها بالتطبيقين اللي قبل. شكله وطريقة استخدامه مميزة جداً. يقوم بإضافة جميع القوائم بشكل أتوماتيكي ولايمكنك تغييرها (سيتم تغيير هذه الطريقة في التحديث القادم). مثل التطبيقين اللي فوق، أتوقع له النجاح إن تم تطويره بشكل مناسب. ملاحظة: كما حصل مع Boid، أعلن مطوّر التطبيق توقف تطويره والعمل عليه بسبب قيود تويتر. إلاّ إن التحديثات قد لا تتوقف في المستقبل. 5)  Plume For Twitter في نسخته الجديدة تغير شكله جذرياً وصار أفضل، له مزايا كثيرة، Mute و القوائم والتنبيهات وغيرها. يعيبه أن النسخة المجانية فيها إعلان صغير كما هو موضح بالصورة. 6) Twitter For Android التطبيق الرسمي لتويتر على أندرويد، مشابه لنسخة iOS .. لأن Twitter تبي توحّد تجربة المستخدم لتطبيقاتها. التطبيق مزاياه بسيطة جداً مقارنة بباقي التطبيقات، أحد عيوبه انه يأخذ قائمة الأسماء من عندك ليتم تزكيتها لك (بعد موافقتك طبعاً)، التطبيق وصل له تحديث جديد قبل فترة فيه كذا ميزة، وكذا عيب، الحين ماتقدر تعرف من أي تطبيق تم كتابة أي تغريدة (اللي تجي تحت Via Twitter For Android مثلاً). شخصياً أتوقع بالفترة القادمة Twitter راح تمنع التطبيقات من هذي الميزة للأسف، كنا نستانس إذا اكتشفنا ألاعيب الشخص وهو يقول (أنا الان في دبي مول وتحت Via web) … طبعاً بما إنه تطبيق رسمي من Twitter فنقدر نقول من مزاياه إنك تقدر تشوف Discover زي نسخة Web .. يعني تعرف أصدقائك إذا عملوا Follow أو Favorite لأحد، كان اسمها Activity Tab بنسخة Web أتوقع .. 7) Slices For Twitter  تطبيق جديد ويستخدم طريقة جديدة مختلفة عن باقي التطبيقات، متوافر على أندرويد و iOS بعد. يستخدم طريقة جديدة في البحث عن الأشياء اللي تستهويك لمتابعتها، ويضيف حسابات في Slices معينة، تقريباً نفس فكرة Lists التابعة لتويتر. هذا الفيديو يشرح التطبيق بشكل جيد. 8) TweetLine أيضاً تطبيق جديد، ويعتمد زي أغلب التطبيقات اللي قبل على Guidelines التابعة لقوقل ويعمل على نسخ أندرويد آيسكريم ساندويتش فما فوق. التطبيق من أول استخدام له تحس انه سريع وسلس للغاية! حالياً فيه مزايا بسيطة، بس زي أي تطبيق جديد راح يتم عمل اضافات أكثر بالتحديثات القادمة. 9) Falcon Pro تطبيق جديد وقادم بقوة فعلاً، انتظرنا في أندرويد تطبيقات كهذا التطبيق من فترة. يقدم واجهة رائعة ومميزة وسلسلة للهاتف وللجهاز اللوحي. فيه عدة مزايا مثل اظهار الروابط في نفس التغريدة، يعني ما يحتاج نفتح صفحة ثانية. أيضاً من المزايا إنك تقدر تعمل زوم للصور من نفس التغريدة بعد. وفيه قائمتين على اليمين واليسار، نقدر نشوف مواضيع التريند و القوائم بكل سرعة. والمميز فيه إنه متاح لنسخ أندرويد 2.2 حتى آخر نسخة (بعكس بعض التطبيقات اللي ماتشتغل إلاّ على 4.0 فأعلى)، أتوقع له إذا استمرت تحديثاته بإنه يكون أحد أشهر وأروع تطبيقات تويتر. التطبيق مدفوع (حالياً سعره دولار واحد) ويستاهل بصراحة مقارنة ببعض التطبيقات المدفوعة اللي تصل إلى 5 دولارات في سوق بلاي. ملاحظة سريعة: جميع التطبيقات اللي فوق تدعم التشفير Encryption بين التطبيق وبين سيرفرات Twitter .. بإستثناء Tweet Lanes و TweakDeck و TweetLine (مو مذكور حالياً إنهم يدعمون التشفير، بس يمكن يدعمونه). أكيد وجود التشفير شيء مهم للغاية، لكن قد تواجه بطئ نوعاً ما في تصفح التطبيقات المشفّرة مقارنة بغير المشفّرة، يعني لكل ميزة هناك عيب. بس أكيد التشفير أهم من السرعة، ولا؟

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s